‘Yar Nijeriya Hilda Baci Na Shirin Kafa Tarihi A Duniya Bangaren Girki

Wata uwar girki, mai sana’ar dafa abinci a Nijeriya, Hilda Effiong Bassey, wacce aka fi sani da Hilda Baci, na shirin karya kundin tarihin duniya na Guinness a gasar girki mafi dadewa da wani mutum ya taɓa yi.

Ta samu wannan nasarar ne bayan da ta zarce sa’o’i 87 da mintuna 45 da Lata Tondon ta Indiya ta kafa a shekarar 2019.

• Rikicin Sudan: Kashin Karshe Na ‘Yan Nijeriya Sun Iso Gida 

Hilda, wacce ta fara gasar a ranar Alhamis da karfe 4 na yamma lokacin da ta daura sanwar girkinta, ta ci gaba da yin girki har na tsawon a kalla sa’o’i 96.

Taron wanda ke gudana a Amore Gardens da ke Lekki, Legas, an yada gasar ne kai tsaye a manhajar YouTube.

Tuni dai, shugaban kasa Muhammadu Buhari da mai jiran gado Bola Ahmad Tinubu suka fara taya Baci murnar samun wannan nasara.