Zanga-zanga: Gwamnati Ta Sanya Dokar Hana Zirga-zirga Ta Awa 24 A Kano

Gwamnan Jihar Kano, injiniya Abba Kabir Yusuf ya bada sanarwar aiwatar da dokar tabaci ta hana zirga-zirga na tsawon awa 24 a birnin jihar.

Hakan na zuwa ne biyo bayan hare-hare da sace-sacen dukiyoyin al’umma da wasu bata-gari ke yi a jihar biyo bayan zanga-zangar adawa da tsadar rayuwa da ake ci gaba da yi a fadin Nijeriya.

Gwamnan ya bayyana sanarwar dokar ne a lokacin da yake yi wa manema labarai jawabi, inda ya ce, dokar ta fara aiki nan take.