Wasu ‘ƴan bindiga sun kashe wani sojan Nijeriya mai mukamin manjo mai suna Manjo Churchill Orji a yankin Azia na karamar hukumar Ihiala ta jihar Anambra da ke kudu mas gabashin kasar.
BBC ta ce Jaridar Daily Trust ta ruwaito cewa, Mista Leonard Edu, wani wanda suka halarci makaranta daya da marigayin ya tabbatar da aukuwar lamarin ga manema labarai.
- Hukumar NDLEA Ta Bankado dakunan Sarrafa Miyagun kwayoyi A Legas Da Anambra
- Jami’an Tsaro Sun Kashe Mahara 2 A Anambra, Sun Kwato Makamai
“Yana gaba da ni a makarantar sakandare ta Agulu Boys… Lallai wasu ƴan bindigan da ba san ko su wane ne ba sun kashe shi a Azia.”
Wata majiyar kuma ta ce “Manjo C Orji dan asalin jihar Anambra ne, kuma an kashe shi a yankin Ihiaa/Azia ne.”
Sai dai kakakin rundunar ƴan sandan Nijeriya a Jihar ta Anambra, Mista Tochukwu Ikenga ya ce har zwa lokacin da aka hada wannan rahoton bai sami rahoton kashe jami’in sojan ba.
Yankin Ihiala mai makwabtaka da Jihar Imo yayi kaurin suna saboda ayyukan ‘yan bindiga.
Sai dai an fara samun zaman lafiya a yankin gabanin wanna kisan da aka yi wa Manjo Orji.
