Wasu ‘yan bindiga sun sace tare da hallaka dan memban majalisar dokokin Jihar Bauchi mai wakiltar mazabar Dass, Honorabul Baba Ali.
Bayanin kisan ya fito ne a yayin zaman majalisar na ranar Talata wanda mataimakin Kakain majalisar, Rt. Hon. Danlami Ahmed Kawule ya jagoranta, sa’ilin da mamban da ke wakiltar mazabar Burra, Hon. Ado Wakili ya tashi gaban kwaryar majalisar domin mika ta’aziyya kan wannan lamarin.
- Kotu Ta Tabbatar Da Machina A Matsayin Dan Takarar Sanatan APC A Mazabar Yobe Ta Arewa
- WTO Ta Yi Gargadin Fuskantar Matsin Tattalin Arziki A Duniya
Kazalika, dan majalisar ya mika jajensa ga illahirin mambobin majalisar bisa kashe dan mambar majalisar mai wakiltar mazabar Dass.
Hon. Ado ya misalta lamarin a matsayin abun tausayi, bakin ciki da damuwa, sai ya yi addu’ar Allah jikan mamacin ya sanya shi cikin aljanna madaukakiya.
Da ya ke bayanin yadda lamarin ya faru daki-dai, mambar da ke wakimtar mazabar Dambam/Zagaya/Jalam, Hon. Baballe Abubakar Dambam, ya ce, babban dan Hon. Bala Ali dai garkuwa wasu ‘yan bindiga da ake zargin masu garkuwa da mutane ne suka yi kuma kwanaki kalilan bayan garkuwa da shi din suka kasheshi.
Ya ce, tunin aka yi jana’izar mamacin gami da kaisa makabarta, ya nuna lamarin a matsayin abu mai firgitarwa da tada hankali.
Da yake maida jawabi kan kudirin, Kakakin majalisar jihar ya umarci a gudanar da addu’a ta musamman ga mamacin wanda kuma mambar da ke mazabar Shira, Hon. Bello Muazu Shira ya jagoranta da nufin neman rahamar Allah ga mamacin.
Kakakin ya ce mambobin majalisar za su kai ziyarar jajantawa ga ahlim mamacin domin taya su alhenin wannan lamarin jimkadan bayan zaman majalisar.
