Gwamna Abdullahi Umar Ganduje ya mika ta’aziyyarsa ga Baffa Babba Dan Agundi, Manajan Daraktan Hukumar Sufuri na Jihar Kano (KAROTA) bisa rasuwar mahaifiyarsa Hajiya Hassana (’Yan Biyu) Babba Dan Agundi.
Ya bayyana rasuwar a matsayin babban rashi, ba ga iyalan marigayyar kadai ba, “… ga gwamnati da al’ummar jihar Kano.
- Mahaifiyar Shugaban KAROTA Baffa Babba DanAgundi Ta Rasu
- Dan KAROTA Ya Samu Kyautar Miliyan 1 Kan Kin Karbar Cin Hanci Daga Direbobin Motar Giya
“Mun yi rashin wani dutse mai daraja. Mace saliha. Wanda kyawawan halayenta a matsayinta na uwa ya game kowa,” in ji shi.
“A madadin gwamnati da na al’umar jihar Kano ina mika ta’aziyyarmu da jaje ga Baffa Babba Dan Agundi da ‘yan uwansa bisa rasuwar Hajiya,” inji shi.
Ganduje ya yi addu’ar Allah ya gafarta mata dukkan kurakuranta, kuma ya saka mata da da Jannatul Fiddaus.
Gwamna Ganduje ya bukaci wadanda ta bari da su koyi daga gareta koyaushe,
Sanarwar jajen na gwamna Ganduje ya fito ta hannun, Abba Anwar, babban sakataren yada labarai na gwamnan Jihar Kano.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
