Dan KAROTA Ya Samu Kyautar Miliyan 1 Kan Kin Karbar Cin Hanci Daga Direbobin Motar Giya

Shugaban hukumar Karota na jihar kano, Dokta Baffa Babba Dan Agundi, ya gwangwaje wani jami’in Karota da kyautar naira miliyan daya saboda kin amincewa da karbar cin hancin da motocin giya suka ba shi.

Jami’in mai suna, Halilu Kawu Jalo, ya ki karbar cin hancin naira dubu dari biyar 500k biyo bayan kama motocin giya guda biyu wanda suke dauke da giya ta sama da miliyan hamsin.

• Jami’an KAROTA Sun Damke Bakin Haure Dauke Da Muggan Makamai A Kano

Shugaban hukumar KAROTA ya bayyna cewa, yana daukar irin wannan matakin ne don kara wa jami’an hukumar kwarin guiwar yin aiki da gaskiya tare da kauce wa karbar cin hanci da rashawa.

Tun da jimawa dai hukumar ta KAROTA karkashin, Baffa Babba, ke dakile sufurin giya zuwa jihar Kano ta hanyar kame motocinsu tare da damka su a hannun hukumar Hisba.

Muhammad

+ postsBio

• Muhammad

  Cikin Shekaru 28, Kudiri Ƙasa Da 10 Sanatocin Zamfara Ta Arewa Suka Gabatar A Majalisa – Shinkafi
• Muhammad

  2027: NNPP Ta Yi Wa Korarrun Mambobinta Afuwa, Ta Yi Alƙawarin Basu Tikitin Kai-tsaye
• Muhammad

  Musulunci Na Fuskantar Barazana A Karƙashin Mulkin Tinubu — Datti Baba-Ahmed
• Muhammad

  Kwankwaso Tamkar Tsuntsu Ne A Siyasa Da Yake Sauya Sheƙa Daga Nan Zuwa Can – Ganduje