Wasu yara uku da masu garkuwar da mutane suka sace sun samu nasarar tserewa daga sansanin ‘yan bindigar a yayin da suke tsaka da barci.
Yaran uku an sace su ne a Gwanda da ke a mazabar Gurdi a yankin Abaji Abuja.
- Buhari Ya Umarci Manyan Hafshoshin Soji Da Su Koma Yankin Arewa Maso Gabas
- Kokarin Sin Na Neman Samun Jituwa Tsakanin Dan Adam Da Muhallin Duniya
Wozhe Ishaya, Kansila mai wakiltar mazabar Gurdi wanda ya tabbatar da kubutar yaran uku, ya ce “An sace su ne a ranar Talatar da ta wuce, an sace su ne a yayin da ‘yan bindigar suka kai hari da karfe 11 na daren ranar.
“Yaran masu shekaru 12, 14 da 16 Allah ne ya taimake su suka tsere lokacin ‘yan bindigar ke barci.”
Yankin Abaji na ci gaba da fuskantar matsalae hare-haren ‘yan bindiga, lamarin da ya yi sanadin yin hijirar mutane masu tarin yawa daga yankin don tsira da rayukansu.
