Takarar Musulmai 2: Asiwaju Ya Gana Da Shugabannin CAN, “Kiristoci ‘Ya’yana Ne” —Tinubu

Sanata Bola Tinubu, dan takarar shugaban kasa a jam’iyyar APC, ya yi watsi da zargin da ake masa na cewa bai damu da kiristoci.

Zaben Sanata Kashim Shettima da Tinubu ya yi a matsayin mataimakin sa a zaben shugaban kasa a 2023, ya haifar da cece-kuce daban-daban.

• Dan Majalisar Dokokin Jihar Legas, Abdulsobur Omititi Ya Rasu A Wajen Taron Tinubu A Jos 

A wani zaman tattaunawa da shugabannin kungiyar Kiristocin Nijeriya CAN, Tinubu ya yi watsi da wadanda suka bayyana shi a matsayin mai kishin addininsa kadai, inda ya ce zabin Shettima ba shi da alaka da addini.

Ya ce ba shi da wani abu da zai sa yaki addinin Kiristanci, hasali ma, matarsa da ’ya’yansa shine addinin da suka yi imani da shi.