2023: Atiku Ya Gabatar Da Gwamnan Delta, Okowa A Matsayin Mataimakinsa

Dan takarar shugaban kasa a jam’iyyar adawa ta PDP, Atiku Abubakar, ya ayyana wa al’ummar kasa mataimakinsa a wajen neman nasara a yayin babban zaben 2023 da ke tafe.

Bisa bayanan da suka shigo mana, daga karshe dai Atiku ya cimma matsayar zakuko gwamnan Jihar Delta, Ifeanyi Okowa a matsayin mataimakinsa
kuma zai gabatar da shi ga al’ummar Nijeriya yau Alhamis a Abuja.

• ‘Yan Nijeriya Za Su Fara More Karin Hasken Wutar Lantarki Da Aka Samu Daga 1 Ga Yuli – NERC

Wasu kusushi a tafiyar yakin neman zaben Atiku, sun shaida cewa wannan matakin ya biyo bayan wani zama na musamman da suka gudanar a tsakanin wanda aka zaba ne da jam’iyyar a daren ranar Laraba dangane da wannan batun.

Sai dai Paul Ibe, jami’in watsa labarai na ofishin Atiku ya ki cewa komai kan wannan batun, inda ya shaida cewar su na jiran sanarwar a hukumance.

Wakilinmu LEADERSHIP Hausa dai ya labarto cewa an yi ta tsammanin Atiku Abubakar zai zabo gwamnan Jihar Ribas, Nyesom Wike a matsayin mataimakinsa sai dai kuma alamu na nuni da cewa ba shi ne Atikun zai gabatar ba.

Ci