Majalisar Dokoki Ta Yi Barazanar Kama Emefiele Kan Rashin Bayyana A Gabanta

Kakakin Majalisar Dokoki, Femi Gbajabiamila, ya yi barazanar ba da umarnin kama Gwamnan Babban Bankin Nijeriya (CBN), Godwin Emefiele idan ya gaza bayyana a gabanta a ranar Talata mai zuwa.

Barazanar na zuwa ne a lokacin da ke mayar da martani kan wata wasika da babban bankin ta aike kan cewa Emefiele ba zai samu damar gayyatar da majalisar ta yi masa ba.

• Ana Zargin Sojoji Da Kisan Fulani Makiyaya 39 A Nasarawa
• Qin Gang Ya Aike Da Sakon Ta’aziyya Ga Ma’aikatar Harkokin Wajen Gabon Bisa Rasuwar Ministan Harkokin Wajen Kasar Michael Moussa-Adamo

Majalisar ta bukaci Emefiele da ya yi mata karin haske kan sabon tsarin adadin kudaden da mutane za su iya cirewa.

Wasikar da aka karanta a zauren ajalisar a ranar Alhamis, kakakin majalisar na cewa ba zai yi kasa a guiwa ba wajen amfani da sashen dokokin tsarin mulki ta 1999 wajen tilasta wa gwamnan CBN bayyana a gabanta.