Akalla gawarwakin mutane 10 ne aka gano bayan wasu ‘yan bindiga da ba a san ko su waye ba sun kai hari Unguwar Wakili a karamar hukumar Zango Kataf ta jihar Kaduna.
Wata sanarwa da mataimaki na musamman a kafafen yada labarai na shugaban karamar hukumar Zangon Kataf ta jihar, Yabo Chris Ephraim, ya raba wa manema labarai, ya ce, saboda haka hukumomin da abin ya shafa sun sanya dokar hana fita ta sa’o’i 24 a Ungwan Juju, Mabuhu, Ungwan Wakili da Zango.
- Jirgin NAF Ya Yi Sanadin Kashe Mai Juna Biyu Da Wasu Matasa A Jihar Kaduna
- ‘Yan Bindiga Sun Kashe ‘Yan Sintiri 6 A Shingen Duba Ababen Hawa A Kaduna
Sanarwar ta kara da cewa kafa dokar ta-bacin na daga cikin matakan da za a dauka na dakile matsalolin da suka shafi sha’anin tsaro a yankin da kuma baiwa sojojin Nijeriya damar dawo da zaman lafiya a yankin.
Kakakin Rundunar ’Yan sandan Jihar Kaduna, DSP Muhammad Jalige, baai ce uffan ba har zuwa lokacin hada wannan rahoto.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
