Fasinjoji Sun Tsira Da Kyar Yayin Da Jirgin Ya Kone A Filin Jirgi Na Amurka

Akalla mutane uku ne aka kwantar a asibiti bayan da wani jirgin sama ya kama da wuta lokacin saukarsa a filin jirgin sama na Miami a ranar Talata.

A cewar kungiyar agaji ta gaggawa ta Miami-Dade, jirgin na dauke da fasinjoji 126 da ma’aikatansa 11 a lokacin da hadarin ya faru.

• Sin Tana Adawa Da Dokar Hana Kayayyakin Da Suka Shafi Jihar Xinjiang Shiga Amurka

Wani faifan bidiyo da aka yada ta yanar gizo ya nuna yadda fasinjojin ke kururuwa a lokacin da suke fitowa daga cikin jirgin baya ya kama da wuta. Inji Daily trust

A cewar kafar yada labarai ta WSVN, jirgin Sufurin na Kamfanin Red Air ne daga Jamhuriyar Dominican, ya sauka a filin jirgin ne da misalin karfe 5:30 na yamma.

An ce na’urorin saukar jirgin ne suka samu matsala inda suka fado a yayin saukar jirgin.