Adamu Yana Ganawar Sirri Da Sanatocin Da Za Su Yi Wa Jam’iyyar APC Takara

Shugaban jam’iyyar APC na kasa, Sanata Abdullahi Adamu, yana ganawa da sanatoci da aka zaba a jam’iyyar APC.

Adamu, wanda ya isa harabar majalisar da misalin karfe 2 na rana a ranar Laraba, an kai shi ofishin shugaban majalisar dattawa, Ahmad Lawan, kafin a fara muhimmin taron.

• Abdullahi Adamu: Babu Wani Ɗan Takarar Shugaban Ƙasa Da Aka Haramta Wa Takara A APC

Shugaban Majalisar Dattawan tun da farko ya karanta sanarwar da Mataimakin Shugaban Masu Rinjaye na Majalisar, Sanata Robert Ajayi Boroffice ya gabatar, inda ya sanar da taron da aka shirya da karfe biyu na rana.

A yanzu haka dai taron na ci gaba da gudana a zauren majalisar dattawa ta kasa a bayan sirri.