A Dambe 17 aka fafata har da guda biyu na gasa tsakanin Dogon Danladi Guramada da Autan Kudawa daga Kudu inda Dogon Dan Ladi ya doke Autan Kudawa bayan arangama da suka yi.
Na biyun kuwa shi ne tsakanin Tafiyar Dan Jamilu daga Arewa da Shagon Sarka Guramada kuma dambe ne na Naira 50,000 kowanne, duk wanda ya yi nasara yana da Naira 25,000, wanda aka buge ya karbi naira 20,000, sannan a bai wa makada naira 20,000.
- Na Yi Mamakin Ganawar Antony Blinken Da Tinubu -Atiku
- Montana Ta Zama Jihar Amurka Ta Farko Da Ta Haramta TikTok
Alkalin wasa shi ne Shagon Amadi, kuma nan da nan ya busa wasan Dogon Danladi da Autan Kudawa, kamar yadda ‘yan kallo suka matsu su kalli damben saboda kwarewar mutanen guda biyu.
Nan da nan a turmin farko, Dogon Danladi ya buge Autan Kudawa, makadin ‘yan dambe Mamuda Kanoma ya zaga da Dogon Danladi cikin ‘yan kallo aka yi masa alheri.
Daya damben gasa tsakanin Tafiyar Dan Jamilu da Shagon Sarka turmi uku suka yi ba kisa, sannan sun ji wa juna rauni, hakan ya sa aka raba wasan.
Sai sauran wasannin damben kasuwa:
Dan Dabar Dutsen Mari ya buge Autan Ebola. Bahagon Sani ya yi nasara a kan Bahagon Ebola. Dan Dabar Ali Zuma ya kashe Kwaro. Shagon Hassan na Hussain ya buge Shagon Autan Mamman. Jamilu Auta ya doke Shagon Hassan na Hussain
Autan Bahagon Reza ya buge Matawallen Kwarkwada. Sai Shagon Mohammed ya yi nasara a kan Inda
Damben da aka yi canjaras:
Sakwara da Zazu. Sai kuma Rabe da Dogon ZY. Dogon Dogon Sani da Shagon Yalo Dan Zuru.
