Shugaban hukumar kula da sufurin ababen hawa ta jihar Kano (KAROTA), Hon. Baffa Babba Dan Agundi, ya karyata batun da ke yawo cewa ya ajiye aikinsa na shugabancin hukumar a ranar Juma’a.
Dan Agundi ya karyata batun ta bakin mai magana da yawun hukumar KAROTA, Nabulusi Abubakar Kofar Na’isa, ya ce wasu daga cikin jami’an hukumar ne suka shirya masa liyafar cin abinci da niyyar yin ban kwana da kuma yaba masa kan irin kwazon aiki da ya yi wajen jan ragamar hukumar na tsawon shekaru a ranar Juma’ar.
- Ganduje Ya Jajantawa Shugaban KAROTA Baffa DanAgundi Sakamakon Rasuwar Mahaifiyarsa
- Mahaifiyar Shugaban KAROTA Baffa Babba DanAgundi Ta Rasu
Musanta rahotan ya biyo bayan yada labaran da wasu kafafen yada labarai suka yi kan cewa tuni ya ajiye mukamin, ya ce har yanzu shi ne kan kujerar har zuwa ranar 29 ga watan Mayu.
Baffa Babba ya ce, sanin kowa ne kowace gwamnati tana da wa’adinta, ita wannan gwamnatin wa’adinta zai kare ranar 29 ga watan Mayu bayan shafe shekaru 4 ko 8 akan mulki.
Saboda haka shi ma Baffan ya ce zai jira zuwa wannan rana domin ya yi sallama da ma’aikatar da yake jagoranta.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
