Ana ta ce-ce ku-ce a kasar Tanzaniya bayan da aka gano wata mata mai matsakaicin shekaru ta yi wa wani yaro dan shekara takwas fyade tare da shafa masa cututtukan da ake yadawa ta hanyar jima’i.
A ranar Juma’a ne aka yanke wa Desderia Mbwelwa, mai shekaru 57 hukuncin daurin shekaru 29 a gidan yari, sai dai kawo yanzu ba a bayar da cikakken bayani kan hukuncin ba.
- Matar Aure Ta Watsa Wa Budurwar Mijinta Ruwan Zafi A Fuska A Bauchi
- Washington Post: Sauran Kasashen Duniya Sun Dawo Daga Rikiyar Amurka
A ranar da lamarin ya auku, matar ta tarar da yaron a lokacin da yake kiwon shanu a wani kauye da ke kudancin yankin Iringa, sai ta tambaye shi inda abokansa suke.
Sannan an ce ta yi lalata da shi a karkashin wata bishiya bayan ya ce abokansa ba su kusa.
Shari’ar dai ta samu shaidu biyar ciki har da wani likita da ya duba yaron ya kuma tabbatar da cewa ya samu raunuka kuma ya kamu da cututtukan da ake samu ta hanyar jima’i sakamakon gurbacewar da aka samu a al’aurarsa.
An ce Mbwelwa ta kare kanta da cewa ita babba ce mai ‘ya’ya da jikoki wadanda suka dogara da ita.
Lauyanta, Frank Mwela, ya ce yana shirin daukaka kara kan hukuncin saboda ba a gwada wanda yake karewa ba don tabbatar da ko da gaske tana da cututtukan da ake dauka ta jima’i.
“Ba a gwada wadda nake karewa ba ko tana dauke da wadannan cututtuka, inda da wanda nake karewa da mai shaidarta sun tabbatar da cewa ba su dauke da wata cuta saboda daya daga cikin wadanda suka yi shaida mijinta ne,” in ji shi.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
