An Bizne Gawar Jakadan Nijeriya Na Kasar Faransa A Jihar Kwara

A yau Laraba ne gawar marigayi Jakadan Nijeriya a kasar Faransa Kayode Laro, ta iso garin Ilorin da ke a jihar Kwara, inda daga nan aka kaita ga kushewarta.

An dauko gawar ne a jirgin sama na rundunar sojin sama, inda aka lullube Akwatin gawar da tutar Nijeriya don girmamata bisa sadukar da kai da ya yi wajen yiwa Nijeriya aiki.

• Gwamna Uba Sani Ya Sake Nadin Sabbin Mukamai A Jihar Kaduna 

Gwamnan jihar Kwara AbdulRahman
AbdulRazaq, tare da wasu makusantan marigayin da wasu manyan mutane  ne suka tarbi gawar marigayin a filin jirgin sama na kasa da kasa na Janar Tunde Idiagbon da ke garin Ilorin.

Babban Limamin Masallacin Ilorin, Sheikh Mohammed Bashiru Salihu ne ya jagoranci yiwa marigayin Sallah, inda aka bizne gawar ta Jakada Laro, a harabar gidansa da ke  garin Ilorin.