Mataimakin Gwamnan Jihar Kano, Aminu Abdussalam, a madadin gwamnan Jihar, Abba Kabir Yusif, ya mika sakon ta’aziyyarsa ga iyalan Marigayi Abdullahi Yakubu na Kamfanin Jaridar Leadership.
Abdullahi Yakubu Wanda kafin mutuwarsa shi ne Wakilin Jaridar Leadership a Jihar Kano Wanda Allah ya yiwa rasuwa ranar Juma’ar nan yana da shekarau 55 bayan fama da rashin lafiya.
- Wakilin Jaridar Leadership Na Kano Ya Rasu
- Tsohon Wakilin LEADERSHIP Ya Zama Shugaban Gidan Rediyon Kano
Kazalika, cikin wata sanarwa dauke da sa hannun Malam Muhammad Garba, shugaban ma’aikatan shugaban jam’iyyar APC na kasa da kuma sakataren yada labarai na mataimakin gwamnan Kano, Ibrahim Garba Shuaibu, sun kuma mika ta’aziyyarsu ga ma’aikata da shugabannin jaridar LEADERSHIP.
Gwamnan Kano, Abba Yusuf da tsohon gwamnan Jihar kuma shugaban Jam’iyyar APC na kasa, Ganduje, sun bayyana rashin wannan gogaggen dan jarida a matsayin babban rashi ga jihar Kano da ma daukacin arewacin Nijeriya.
Tuni an yi Jana’izar gogaggen Dan Jaridar kamar yadda addinin musulunci ya tanada.
Marigayi Yakubu ya rasu ya bar matarsa da yara wadanda muke addu’ar Allah ya basu ikon ci gaba da koyi da kyawawan halayensa, Amin.
