Nijeriya Ta Lallasa Kasar Sao Tome Da Ci 6-0

Kungiyar kwallon kafa ta Nijeriya da ake wa lakabi da Super Eagles ta lallasa tawagar kwallon kafa ta kasar Sao Tome Principe da ci 6-0.

Wasan shine zagaye na biyu na wasannin share fagen shiga gasar kofin kwallon kafa ta nahiyar Afirka.

• Coco Gauff Ta Lashe Gasar Grand Slam Ta Bana

A wasan farko da aka buga a tsakannin kasashen biyu, Nijeriya ta samu nasara da ci 10-0.

A wasan na yau Victor Osimhen ne ya jefa kwallaye uku rigis, sai kuma Lukman, Awoniyi da Samuel Chukwuze da kowanensu ya jefa kwallo daya.

An buga wasan a babban filin wasan kwallon kafa dake Uyo a jihar Akwa Ibom.