Fadar Shugaban kasa ta bayyana kai wa shugaba Buhari hari a matsayin abin bakin ciki da rashin jin dadi, ‘Yan bindigar sun fara harbin tawagar a kusa da Dutsinma, Jihar Katsina kan ayarin motocin da ke dauke da jami’an tsaron shugaban kasa da kuma jami’an yada labarai gabanin tafiyar Shugaba, Muhammadu Buhari, zuwa Daura domin yin Sallah Babba.
A cewar wata sanarwa da mai magana da yawun shugaban kasa, Garba Shehu ya fitar, maharan sun bude wa ayarin motocin wuta ne daga inda suka yi musu kwanton bauna amma sojoji da ‘yan sanda da kuma jami’an DSS da ke raka ayarin suka fatattake su.
- Buhari Ya Jinjina Wa Portugal Kan Samar Da Tsaro A Afrika
- Ba Zamu Zura Idanu Ana Kai Hare-hare Coci Ba —Buhari
Ya ce mutane biyu a cikin ayarin na samun kulawa saboda kananan raunukan da suka samu.
Sanarwar ta kara da cewa dukkan ma’aikata da ababen hawa sun isa zuwa Daura, mahaifar shugaban kasa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
