Wasan da aka buga a daren ranar Litinin tsakanin kasar Belgium da Sweden, an dakatar da shi a minti na 40 da fara wa bayan samun rahoton harbe wasu mutum biyu har lahira a Brussels.
Firaministan Belgium, Alexender De Croo ne ya bukaci hakan bayan da aka samu rahoton kisan wasu magoya bayan kasar Sweden su biyu a Brussels babban birnin kasar ta Belgium.
Hukumar kwallon kafar Turai, UEFA ta rubuta a shafinta na X cewar, bayan shawarwari da ta yi, ta dauki matakin dakatar da wasan tsakanin Belgium da Sweden har sai zuwa wani lokaci.
