Kungiyar kwallon kafa ta Kano Pillars ta samu nasara akan abokiyar karawarta Rivers United da ci 1-0 a wasan sati na hudu na gasar kofin Firimiyar Nijeriya na NPFL ta bana.
Kyaftin din Kano Pillars, Rabiu Ali wanda akafi sani da Pele ne ya jefawa Pillars kwallo a mintunan karshe na wasan.
Hakan yasa kungiyar, wacce akewa lakabi da ‘Sai Masu Gida’ ta koma matsayi na 9 akan teburin Firimiyar Nijeriya ta bana.
