’Yan Sama Jannatin Kumbon Shenzhou-16 Za Su Dawo Duniya Bayan Gama Mika Aikinsu 

Ofishin kula da ayyukan binciken sararin samaniya dake dauke da ’yan sama jannatin Sin ya bayyana cewa, ’yan sama jannatin kumbunan Shenzhou-16 da Shenzhou-17, sun gudanar da bikin mika aiki a jiya Lahadi, inda suka baiwa ’yan saman jannatin kumbon Shenzhou-17 mabudin tashar sararin samaniyar Sin.

Ya zuwa yanzu, ’yan sama jannatin kumbon Shenzhou-16 sun riga sun kammala dukkan ayyukan da aka tsara, kuma za su dawo filin saukar Dongfeng ta cikin kumbon Shenzhou-16 a gobe Talata. A halin yanzu, filin da sauran hukumomin da abin ya shafa suna shirye-shiryen tarbar ’yan sama jannati. (Safiyah Ma)