Maddison Na Tottenham Zai Yi Jinyar Watanni 2 Bayan Ya Samu Rauni A Kafarsa

Kocin Tottenham Ange Postecoglou ya tabbatar da cewa James Maddison zai yi jinya zuwa watan Janairu saboda rauni a idon sawunsa.

Dan wasan tsakiyar mai shekaru 26 ya fice daga tawagar Ingila a wasan neman gurbin shiga gasar cin kofin nahiyar Turai na watan Nuwamba.

• Bayan Fasa Sayen Manchester United, Sheikh Jassim Na Neman Sayen Tottenham
• Arsenal Ta Koma Ta Daya A Rukunin B, Bayan Doke Sevilla A Champions League

Ya samu raunin ne a wasan da Chelsea ta doke Tottenham da ci 4-1 a gasar Premier a ranar Litinin.

Maganar gaskiya shi ne Maddison ya ji rauni a ranar Litinin, in ji Postecoglou, wanda ya bayyana mai tsaron baya Micky van de Ven shi ma zai yi jinya har zuwa sabuwar shekara.

Raunin Maddison ya yi muni fiye da yadda muke zato, ya samu rauni a idon sawu don haka muka aika shi a duba shi.

Kuma likitoci sun tabbatar mana cewar Maddison zai yi jinya har zuwa watan Janairu in ji Postecoglou.