Gwamnan Jihar Kano, Dakta Abdullahi Umar Ganduje ya bayyana ce dan takarar shugaban kasa a karkashin jam’iyyar APC, Asiwaju Bola Ahmed Tinubu gogaggen dan siyasa ne a cikin kasar nan, idan aka yi la’akari da kyakkyawan tushen siyasarsa da mulkin Nijeriya.
Kwamishinan ma’aikatar yada labara na Jihar Kano, Malam Muhammad Garba ne ya bayyana h0aka ga manema labarai a Kano.
Gwamnan ya bayyana haka ne a masaukin gwamnatin Jihar Kano da ke Abuja lokacin da ya karbi lambar karramawar gamayar kungiyoyin da ke goyon bayan takarar Tinubu da suka karrama shi bisa gudunmawar da ya bayar wajen nasarar Tinubu a zaben fid da gwanin da ya gabata.
Ya ce irin gudunmawar da ya bayar a lokacin da yake matsayin gwamnan Jihar Legas ya samar da wata kwakkwarar tawagar mutane daga banagarori daban – daban na kasar nan, inda hakan ya karfafa tattalin arzikin yankin, saboda haka Shugabancin Asiwaju zai zama sanadin sauya fasalin kasar nan.
Ganduja ya kuma nuna cewa nasarar Asiwaju a zaben fid da gwani a lama ce ta samun nasarar jam’iyyar APC a zabe 2023.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
