Kamar yadda aka ruwaito cewa Ganduje ya bayyana gayyatar ne a lokacin taron masu ruwa da tsakiin jam’iyyar APC na ranar Alhamis, inda Ganduje ke gayyatar Gwamna Abba Kabir Yusif domin ya bar jam’iyyar NNPP domin komawa jam’iyyar APC.
Ya ce, “Muna rokon duk wanda ke bukatar shigowa jam’iyyar APC da ya gaggauta tahowa.
- Sabon Shirin Talabijin Ya Fara Gano Wasu Hanyoyin Kasuwanci A Nijeriya
- Zan Bar Liverpool A Karshen Kakar Bana -Jurgen Klopp
“Muna gayyatar Gwamnan Kano tare da jam’iyyar NNPP su shigo jam’iyyar APC.
Amma da yake mayar da martani, Gwamna Abba ya ce, “Mun ji cewa yana rokon gwamna ya koma jam’iyyar APC, abinbda ya bamu mamaki kasancewar Ganduje tsohon gwamna kuma tsohon mataimakin gwamna yanfi kowa sanin hanyar da ta fi dace wajen isar da irin wannan sako ga gwamnan da ke kan kujera.
“Gwamna Abba Kabir ba shi wani shiri na barin jam’iyyarsa. Sauya jam’iyya kamar sauya Gida ne, ba za ka tashi kawai ka wayi gari ka hada kayanka kace ka bar jam’iyyarka. Akwai matakai da ake bi kafin sauya jam’iyya,”in ji shi.
