Fc Porto Ta Fama Raunin Arsenal A Gasar Zakarun Turai

Kungiyar kwallon kafa ta Fc Porto da ke kasar Portugal ta sake nuna barakar Arsenal a gasar zakarun Turai bayan ta doke ta da ci daya mai ban haushi a Lisbon.

Arsenal wadda ta shafe shekaru da dama ba tareda samun damar buga wannan gasar ba kuma take fatan lashe gasar a karon farko ta hadu da tasgaro yayin da tayi rashin nasara a gidan Porto a wasan zagayen ‘yan 16 na sili daya kwale.

Dan wasan Fc Porto Wanderson Galeno ne ya jefawa kungiyarsa kwallo a ragar Arsenal a minti na 94 wanda hakan yasa sai Arsenal tayi da gaske a ranar 12 ga watan Maris inda zata karbi bakuncin Porto a Emirates Stadium.