Babban jami’in Jam’iyyar Kwaminis ta kasar Sin CPC, Wang Huning ya bukaci da a zage damtse wajen ciyar da manufar sake hadewar kasa gaba.
Wang, mamban zaunannen kwamitin kula da harkokin siyasa na kwamitin tsakiya na JKS, kuma shugaban majalisar ba da shawara kan harkokin siyasa ta kasar Sin, ya bayyana haka ne a yayin wani taro kan harkokin yankin Taiwan da aka gudanar a ranakun Alhamis zuwa yau Jumma’a a birnin Beijing, fadar mulkin kasar Sin.
Wang ya jaddada bukatar aiwatar da manufofin jam’iyyar na warware batun Taiwan a sabon zamani da shawarwari da tsare-tsaren da kwamitin kolin Jam’iyyar Kwaminis ta kasar Sin ya yanke kan ayyukan da suka shafi Taiwan.(Ibrahim)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
