Fiye Da Mutum 120 Sun Makale Cikin Baraguzai Bayan Girgizar Kasar Taiwan

Hukumomi a Taiwan sun tabbatar da makalewar mutum 127 cikin buraguzan gini sakamakon girgizar kasar da ta faru.
Cikin adadin, 77 a cikinsu sun makale a cikin wata hanya da ke karkashin tsauni a Jin-wen da Dakinkshui a Hualien, kamar yadda jami’ai suka bayyana.

Sannan mutum biyu Jamusawa ne da suka makale a hanyar karkashin kasa a Chong-de da ke gandun daji na yankin.

• Mutane 9 Sun Mutu, Daruruwa Sun Jikkata A Girgizar Kasar Taiwan Mafi Karfi A Cikin Shekaru 25
• Mataimakin Firaministan Kasar Sin Ya Gana Da Sakatariyar Baitulmalin Amurka A Guangzhou

Sauran mutum 50 kuma sun makale a kananan motocin bas hudu da suke hanyar zuwa gandun dajin Taroko Daha birnin Hualien.

Dukkansu ma’aikata ne da za a kai otal din SilksPlace Taroko gabanin hutun yini hudu daga Alhamis zuwa Lahadi.