Jarumin barkwanci a masana’antar Kannywood wanda akafi sani da Malam Na Ta’ala bayan ya fito a cikin shiri mai dogon zango na Dadin Kowa da tashar Talabijin ta Arewa 24 take nunawa.
Ya bayyana matukar godiyarsa ga masoyansa da abokan arziki wadanda ya ce sun yi masa adduo’I’n samun lafiya da kuma bashi gudunmawar kudi a tsawon makonni 7 da ya shafe yana jinya a wani asibiti da ke Damaturu fadar gwamnatin jihar Yobe.
- Cinikayyar Shige Da Fice Ta Sin Ta Daga Da Kaso 5% A Rubu’in Farko Na Bana
- Barka Da Sallah: Shugabanni Sun Yi Kiran Amfani Da Darussan Ramadan
Malam Na Ta’ala ya bayyana haka ne a wani faifan bidiyo da wani makusancinsa ya wallafa a kafar sada zumunta ta Facebook inda aka hango shi yana shirye shiryen tafiya gida bayan da mahukuntan asibitin suka bashi damar tafiya gida sakamakon samun sauki da ya yi.
Ina matukar godiya ga iyalina,masoya da kuma yan uwa da abokan arziki wadanda suka taimaka mani da addu’oi da kuma aljihunsu a tsawon dogon lokacin da na dauka a kwance a wannan asibitin inji Na Ta’ala.
Daga karshe ya yi addu’ar Allah SWA ya bai wa duk wani marar lafiya dake kwance a gida ko a asibiti lafiya kamar yadda shima ya samu lafiya domin su samu damar komawa gida su ci gaba da harkokinsu kamar yadda suka saba.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
