Zaunannen wakilin kasar Sin a ofishin Majalisar Dinkin Duniya dake Geneva da sauran kungiyoyin kasa da kasa dake kasar Switzerland, Chen Xu, ya bayyana cewa, kasar Sin tana goyon bayan Falasdinu wajen taka rawar gani a Hukumar lafiya ta duniya (WHO).
Chen ya bayyana hakan ne a jawabinsa na ranar Juma’a a yayin babban taron kiwon lafiya na duniya karo na 77 (WHA).
- Na’urar Chang’e-6 Ta Kasar Sin Ta Sauka A Gefen Wata Mai Nisa Don Tattara Samfura
- Kasar Sin Ba Za Ta Jure Tsoma Baki Cikin Harkokin Gidanta Da Wasu Kasashen Waje Ke Yi Kan Batun Taiwan Ba
WHA ta amince da wani daftarin kuduri kan “daidaita shigar Falasdinu cikin hukumar ta WHO tare da shiga MDD”, bayan kuri’ar amincewa 101, 5 na nuna adawa, 21 kuma suka kaurace.
Chen ya ce, babban taron gaggawa na MDD ya amince da wani kuduri a kwanan nan da gagarumin rinjaye, inda ya amince da cancantar Falasdinu ta zama mamba a MDD. Chen ya bayyana cewa, Sin na maraba da kudurin, saboda ya yi daidai da muradin kasashen duniya.
Chen ya jaddada cewa, kasar Sin tana kallon tsarin samar da kasashe biyu a matsayin hanya daya tilo da ta dace don warware rikicin Falasdinu da Isra’ila, tare da baiwa Falasdinu damar zama cikakken mamban MDD a matsayin muhimmin mataki na cimma wannan buri. (Yahaya)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
