TRCN Ta Koka Kan Yawaitar Malaman Da Ba Su Cancanta Ba A Nijeriya 

Hukumar rijistar malamai ta Nijeriya, TRCN, ta nuna damuwarta kan karuwar yawan malaman da ba su cancanta ba a kasar, inda ta bayyana hakan a matsayin babban abin da ke kawo koma baya a fannin ilimi.

Babbar jami’ar gudanarwa ta TRCN, Dokta Ronke Soyombo, ne ya bayyana hakan a ranar Litinin a lokacin da ta bayyana a gidan Talabijin na Channels acikin shirin ‘The Morning Brief’, a bikin ranar malamai ta duniya ta 2025.

Dokta Soyombo ta koka kan yadda mutane da dama da ke koyarwa a makarantu a fadin Nijeriya a halin yanzu ba su cancanta da koyarwa ba don basu da ilimin karantawa yadda ya kamata – lamarin da ya fi kamari a makarantu masu zaman kansu.

“Akwai malamai da yawa da ba su cancanta da koyarwa ba. Muna da masu koyarwa a ajujuwa amma ba su da cancantar koyarwa, musamman a makarantu masu zaman kansu,” in ji ta.

Ta bayyana cewa, yayin da wasu mutane ke da sha’awar koyarwa da jikinsu da zuciyarsu, amma rashin amintattun shaidar koyarwa a hukumance ke hana basu aikin koyarwar.

Sulaiman

+ postsBio

• Sulaiman

  Dokar Sin Ta Gurfanar Da Masu Rajin Ballewar Kabilun Kasar Da Ke Kasashen Waje Ta Dace
• Sulaiman

  ’Yan Kasuwa Na Kasashen Waje Sun Yaba Wa Yanayin Kasuwanci Na Sin
• Sulaiman

  Yadda Uba Sani Ya Farfaɗo Da Asibitin Da Aka Yi Watsi Da Shi Tsawon Shekaru 40 – Hakimin Makarfi
• Sulaiman

  Dandalin DAVOS Na Bana: Fage Ne Da “Kirkire-Kirkiren Sin” Ya Sadu Da “Kyakkyawan Fatan Afirka”