Gwamnatin Tarayya ta sanar da kulla wata yarjejeniyar samar da abinci da kasar Saudi Arabiya, a kokarin da ake yi na fatattakar yunwa a fadin duniya.
Ministan noma da abinci, Abubakar Kyari ne, ya bayyana hakan ta shafinsa na X, yana mai cewa yarjejeniyar za ta bai wa Saudi Arabiya damar kafa kamfanin samar da kayayyakin aikin gona a Nijeriya.
- Wata Sabuwa: KEDCO Ta Yanke Wutar Jami’ar Dangote Da Ke KanoÂ
- Sin Za Ta Karbi Ragamar Shugabancin SCO Daga Shekarar 2024 Zuwa 2025
Ya ce an cimma wannan matsaya ne a yayin taron ganawa da hukumomin kasashen biyu suka gudanar.
Baya ga haka kuma, Kyari ya ce kasashen biyu sun amince da kulla cinikayyar jan nama da kuma waken suya.
Nijeriya ce dai za ta sayarwa da Saudiyya tan dubu 200 na jan nama kowacce shekara, yayin da za ta sayar mata da tan miliyan daya na waken suya a duk shekara.
Nineriya na cikin jerin kasashen da majalisar dinkin duniya, ta ayyana cikin masu fama da yunwa da kuma karancin abinci.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
