Ana zargin wasu ‘yan bindiga sun kashe wani jami’in ‘yansanda, Insifekta Eze, da wani ɗan sa kai a Sokoto a yayin wani kwanton ɓauna da suka kai da sanyin safiyar yau Litinin.
Lamarin ya faru ne a wani shingen binciken ‘yansanda a mahaɗar Milgoma da ke kan hanyar Sokoto-Bodinga, inda ‘yan bindigar suka kai hari kan jami’an tsaro lokacin da suka kusance su.
- Ƴan Sakkwato Sun Yi Murnar Komawar Ministan Tsaro Don Kawo Ƙarshen Ƴan Ta’adda
- Ambaliyar Ruwa Ta Lalata Gidaje 14,940 A Sokoto
Kakakin rundunar ‘yansandan Jihar Sokoto, ASP Ahmed Rufai, ya tabbatar da mutuwar mutanen, yana mai bayyana lamarin a matsayin kwanton ɓauna da aka tsara.
A wani lamari mai nasaba da wannan, a ranar Lahadi, ‘yansanda sun yi arangama da wata ƙungiyar ‘yan bindiga a kan hanyar Sokoto-Isa, wanda hakan ya haifar da mutuwar ɗaya daga cikin ‘yan bindigar.
A yayin arangamar, an kwato bindigar AK-49 daga hannun maharan. ASP Rufai ya tabbatar da cewa za a ci gaba da ba da bayanai yayin da ƙarin bayani.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
