An kammala juya bangare na karshe na gadar titi mafi tsawo dake saman layin dogo zuwa gurbinsa, a birnin Hefei na lardin Anhui dake gabashin kasar Sin da sanyin safiyar jiya Asabar.
Gadar mai tsawon mita 554 da nauyin ton 60,000 ta hada sassa 4 da tsawonsu ya kai layin dogon dake kasan titin, wadanda aka kammala juya uku daga cikinsu a karshen watan Satumba.
- Sin Ta Bukaci Amurka Ta Daina Samarwa Yankin Taiwan Makamai
- Diri Ya Amince Da Sabon Mafi Karancin Albashi Na ₦80,000 Ga Ma’aikatan Bayelsa
Gadar mai sassa da dama, wani bangare ne na babbar hanyar da ta ratsa larduna, ta hada birnin Chuzhou na lardin Anhui da Zhoukou na lardin Henan dake tsakiyar kasar Sin. Nasarar juya bangare na karshe na titin ya kawo aikin babbar hanyar dab da kammaluwa.
Ana sa ran hanyar za ta karfafa hada birnin Hefei da manyan biranen gabashi da tsakiyar kasar Sin, ciki har da Nanjing da Hangzhou da Zhengzhou. Hadewar biranen na da muhimmanci matuka domin za ta tallafa wajen gaggauta shigar da Hefei cikin aikin raya yankin kogin Yangtze. (Fa’iza Mustapha)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
