Wike Ya Bai Wa Asibitocin Gwamnati Umarnin Tallafa Wa Wadanda Turmutsitsin Abuja Ya Rutsa

Ministan babban birnin tarayya (FCT), Nyesom Wike, ya umurci dukkanin asibitocin gwamnati da su bayar da jinya da agajin gaggawa kyauta ga mutanen da suka samu raunuka sakamakon turmutsitsin da ya faru a cocin ‘Holy Trinity Catholic’ da ke Maitama, Abuja ranar Asabar.

Wike, a wata sanarwa da ya fitar ranar Asabar ta hannun babban mai taimaka masa na musamman kan harkokin hulda da jama’a da yada labarai, Mista Lere Olayinka, ya jajantawa al’umma kan lamarin.

• Gwamnatin Katsina Ta Sha Alwashin Dakile Rikici Tsakanin Makiyaya Da Manoma
• Ko Me Ke Kawo Yawan Tashin Gobara A Wannan Lokaci Na Hunturu?

Akalla mutane goma ne suka rasa rayukansu da misalin karfe 6:30 na safe a yayin wani taron raba kayan abinci da nufin tallafawa marasa galihu da tsofaffi.

Wadanda lamarin ya rutsa da su sun hada da yara kanana, sannan wasu goma kuma sun samu raunuka sakamakon hargitsin.