Arsenal Ta Fice Daga Gasar EFL Bayan Shan Kashi A Hannun Newcastle

Kwanaki uku bayan da Arsenal ta doke zakarun gasar Firimiya Manchester City a wasan mako na 24 na gasar Firimiya ta kasar Ingila, sai ga shi a daren jiya Laraba ita ma ta gamu da gamonta in ji bahaushe yayin da Newcastle ta jefa kwallo biyu a ragar yaran na Arteta a wasan na kusa da na ƙarshe na kofin EFL wanda a baya aka fi sani da Carling Cup.

Tun a shekarar 1993 rabon da Arsenal ta lashe wanna kofi, Jacob Murphy da Anthony Gordon ne suka jefa ƙwallaye biyun da suka yi waje da Arsenal a gasar ta EFL.

• Juma Bah: Balladolid Za Ta Kai Manchester City Kara Gaban Kotu
• Arsenal Ta Matsawa Liverpool Ƙaimi Bayan Doke Tottenham A Emirates 

Yanzu ƙungiyar ta birnin Landan za ta mayar da hankalinta wajen sauran kofunan da suka rage wato Firimiya Lig da kuma Gasar Zakarun Turai wadda suke neman lashewa a karo na farko a tarihinsu.