An yi artabu tsakanin jami’an rundunar ‘yansanda da wasu zaunagari-banza a yankin Jikwoyi da ke kan hanyar Nyanya zuwa Karshi a yankin Abuja, sakamakon zargin da aka yi musu na kashe wani dansanda a yankin.
Ganau ya tabbatar da cewa, samaen da ‘yansandan suka kai maboyar zauna-gari-banzar ya haifar da arangama tsakaninsu da ‘yansandan.
- Obasanjo Ya Roki Marayun Borno Su Yafe Wa ‘Yan Ta’addar Da Suka Kashe Iyayensu
- Rashin Tsaro Na Kawo Koma Baya Ga Tattalin Arzikin Nijeriya – Buhari
Rikicin ya yi sanadiyyar yi wa wani dansanda daya rauni da kuma zaunagari-banzar masu yawa.
Jami’an ‘yansandai sun mammayi waxanda ake zargin da aikata laifuka dabandaban.
Yayin da ake wannan tashin tashina dai an dakatar da zirga-zargar ababen hawa a hanyar Nyanya zuwa Karshi.
Jami’an ‘yansandan sun ce, sun samu nasarar fatattakar zauna-garibanzar, kuma sun kama wasu daga cikinsu.
