Tsohon Gwamnan Oyo, Omololu Olunloyo, Ya Rasu Yana Da Shekaru 89

Tsohon gwamnan jihar Oyo kuma fitaccen masanin lissafi, Dr. Victor Omololu Olunloyo ya rasu.

Dr. Olunloyo ya rasu ne da sanyin safiyar Lahadi yana da shekaru 89 a duniya.

• Duk Da Matsin Tattalin Arziki, Bukukuwan Sallar Bana Ta Yi Armashi
• Gwamnatin Kasar Sin Ta Caccaki Matakin Kakaba Haraji Ba Bisa Ka’ida Ba Da Amurka Ta Dauka, Ta Kuma Sha Alwashin Kare Moriyarta

Marigayi gwamnan da aka haifa a ranar 14 ga Afrilu, 1935 zai cika shekaru 90 a cikin ‘yan kwanaki kadan.

Olunloyo ya jagoranci jihar Oyo tsakanin 1 ga Oktoba, 1983 zuwa 31 ga Disambar 1983.

Rasuwar marigayi dan siyasar na kunshe ne a cikin wata sanarwa da tsohon Editan jaridar Nigerian Tribune, Barista Oladapo Ogunwusi ya fitar a ranar Lahadi.