Shugaban jam’iyyar NNPP na karamar hukumar Gwale kuma daya daga cikin ‘yan kwamitin karbar mulki na jihar Kano. Alhaji Abdullahi Shu’aibu Kirare ya bayyana godiyar sa ga Allah da jama’ar Kano gaba daya da suka fito suka zabi dan takarar su na Gwamna Injiniya Abba Kabir Yusuf a zabe da aka yi.
Ya ce suna neman addu’oi na daga jama’a a kan Allah ya kama hannun sabon zababben Gwamnan nasu ya bashi ikon cika alkawari da ya dauka sannan kuma duk wasu abubuwa na alkhairi ya ba shi sukunin tabbatar da shi.
- Tsakanin Samari Da ‘Yan Mata, Wa Ya Kamata Ya Ba Wani ‘Ramadan Basket’
- Alhassan Ado Doguwa Ya Sake Lashe Zaben Dan Majalisar Wakilai A Kano
Alhaji Abdu Kirare wanda fitaccen manomi ne ya ce a matsayinsa na manomi da shugaban kasa ya taba bashi takardar karramawa a sha’anin noma a zamanin mulkin Babangida.Dan haka a harkar noma a wannan tafiya abune da za’a kyautata shi domin shima zababben Gwamna.Injiniya Abba Kabir Yusuf manomi ne ya san duk matsaloli na manoma.
Alhaji Abdullahi Shu’aibu Kirare ya ce sunada yakinin wannan Gwamnati za ta farfado da bunkasa harkar noma ta samar da iri mai inganci da wadata taki ga manoma dan a kyautata noman rani dana damina.
Alhaji Abdu Kirare ya yi kira ga al’ummar Kano su baiwa Gwamnatin Kano hadin -kai da goyon baya da zata cimma muradanta da na kyautatawa cigaban jihar Kano a kowane fanni.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
