Rahotanni sun bayyana cewa akwai wani dan Nijeriya mai shekaru 23 a tsare a gidan yari a birnin Dubai na kasar Hadaddiyar Daular Larabawa (UAE) bayan kama shi ba bisa ka’ida ba.
Wani mai dafa abinci a Dubai, wanda ya bayyana hakan ta shafinsa na Twitter a ranar Juma’a, 16 ga Disamba, 2022, ya ce da farko an samu labarin bacewar yaron.
Daga baya sai muka gano cewa an kama shi ne a lokacin da ya je siyan kayan dafa abinci a wani shago.
“Akwai wani dan Nijeriya dan shekara 23 yana tsare a gidan yarin Dubai, da farko munyi tsammanin bacewa ya yi na wani dan lokaci amma daga baya mun gano cewa kama shi akayi ba gaira ba dalili bayan ya gama siyan kayan abinci a wani shago, suna da yawa a gidan yarin, Babu wani laifi da ake zarginsu da aikatawa.” Kamar yadda ya wallafa a shafinsa na twitter.
