Babban rukunin gidajen rediyo da talabijin na kasar Sin wato CMG, ya gabatar da bikin mu’ammalar al’adun Sin da Kazakhstan mai taken “Bude sabon babin huldar kasashen biyu” a Astana, fadar mulkin kasar Kazakhstan a jiya Talata a lokacin da shugaban kasar Sin Xi Jinping ya kaddamar da ziyarar aiki a kasar, da halartar taro karo na 24 na kwamitin shugabannin mambobin kungiyar hadin kai ta Shanghai wato SCO.
Shugaban kasar Kazakhstan Kassym-Jomart Tokayev ya aike da sakon taya murnar bude bikin da fatan za a cimma nasara a taro, kana da bayyana kyakkyawan fata ga mahalarta taron. Shahararrun kwararru kimani 100 daga bangaren siyasa, da tattalin arziki, da kafofin yada labarai, da ilmi a Kazakhstan sun halarci taron, inda suka shaida kulla hadin gwiwa a wasu fannoni, da gabatar da faifan bidiyo mai taken “Mafarin kasashen biyu baki daya”.(Amina Xu)
