An Gurfanar Da Mamu A Kotu Kan Zargin Daukar Nauyin Ta’addanci

A ranar Talata ne aka gurfanar da Tukur Mamu, mai shiga tsakani, tsakanin gwamnatin tarayya da ‘yan ta’adda da suka yi garkuwa da fasinjojin jirgin kasan Abuja zuwa Kaduna a watan Maris din 2022, a gaban wata babbar kotun tarayya da ke Abuja.

Mamu, wanda shi ne mawallafin jaridar Desert Herald da ke Kaduna, ya ki amsa tuhumar da ake masa na tuhume-tuhume 10 da gwamnatin tarayya ta yi masa wadanda suka shafi daukar nauyin ta’addanci da dai sauransu.

• Gwamnatin Kano Ta Cire Dokar Hana Fita Da Ta Kakabawa Al’ummar Jihar

Mawallafin, wanda ofishin babban lauyan gwamnatin tarayya (AGF) ya gurfanar dashi a gaban mai shari’a Inyang Ekwo na wata babbar kotun tarayya da ke Abuja, ya musanta kowacce irin alakarsa da ‘yan ta’addan.

Mai shari’a Nkeonye Maha na wata kotun tarayya a ranar 13 ga watan Satumba, 2022, ta baiwa hukumar tsaro ta farin kaya (DSS) izinin tsare Mamu na tsawon kwanaki 60 domin baiwa DSS damar kammala bincike kan Mamu.

Ana zargin Mamu da karbar kudin fansar fasinjojin da ya kai kusan kudi dala 120,000.00 a madadin kungiyar ta’addanci ta Boko Haram daga iyalan wadanda aka yi garkuwa da su a harin jirgin kasan.

Sulaiman

+ postsBio

• Sulaiman

  Sace Ɗalibai: Gwamnatin Oyo Ta Sanya Dokar Hana Fita A Ƙananan Hukumomi 10
• Sulaiman

  Iran Ta Jaddada Cewa Ba Ta Da Wani Shiri Na Bada Damar Binciken Wuraren Nukiliyarta
• Sulaiman

  Ribar Manyan Kamfanonin Sin Ta Karu Da Kashi 18.8% Cikin Watanni Biyar Na Farkon Bana
• Sulaiman

  An Raba Jadawalin Gasar Premier Ta Ingila Ta Kakar Wasan 2026/2027