‘Yan bindigar sun sace shugaban jam’iyyar APC na mazaba ta tara a karamar hukumar Orhionmwon da ke a jihar Edo, Mista Godwin Aigbogun, sun bukaci a ba su kudin fansa Naira miliyan biyar kafin su sake shi.
Wani dan uwan shugaban da ya bukaci a sakaya sunansa ya ce, “‘Yan bindigar sun tuntubi iyalan shugaban ta hanyar amfani da wayarsa ta tafi da gidanka kan maganar biyan kudin fansar.”
- Matsalar Tsaro: Gwamnati Da Hukumomin Tsaro Sun Gaza – Masari
- Kasar Sin Za Ta Tsaya Kan Manufar Bude Kofarta Ga Duniya
Sai dai, an ruwaito cewa, jami’an tsaro tuni suka bazama zuwa cikin daji neman shugaban domin kubutar da shi.
An dai sace Aigbogun mai shekara 54 ne a gonarsa da ke yankin Ologbo-nugu a ranar Litinin da ta wuce.
kakakin rundunar ‘yan sandan jihar Chidi Nwabuzor, ya tabbatar da aukuwar lamarin, inda ya ce, ‘yan sanda na rundunar da kuma jami’an tsaron sintiri sun bazama zuwa cikin daji domin ceto shugaban tare da kuma cafko masu garkuwar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
