An saki fursunoni 1,685 masu fama da rashin lafiya daga gidan yarin Makala da ke Kinsasha, Babban Birnin Kasar Dimokuradiyyar Jamhuriyar Congo domin rage cunkoso.
A gidan yarin ne a farkon wannan watan na Satumba fursunoni 129 suka mutu bayan sun yi yunkurin tserewa. Jami’an tsaron gidan ne suka harbe wasu, wasu kuma suka mutu a turmutsutsu, kamar yadda mahukunta gidan yarin suka bayyana.
- An Bude Bikin Al’adun Confucius Na Kasa Da Kasa Na Sin Na 2024
- Gaskiya An Noma Masara Da Tsadar Gaske A Bana – Shugaban Manoma
Gwamnatin kasar ta kuduri aniyar aiwatar da rage cunkuson gidajen yarin cikin sauri.
Gidan yarin wanda aka gina domin fursunoni 1,500 a shekarun 1950, kafin yunkurin tserewa da aka yi a wannan watan, fursunoni 12,000 ne a ciki.
Wani tsohon fursuna da ya taba zama a gidan yarin ya shaida wa BBC cewa, “Makala ba gidan yari ba ne, wajen tsare mutane ne, inda ake tura su domin su mutu,” in ji shi
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
