‘Yan sanda a Jihar Bauchi sun gano wani yaro dan shekara 16 da aka kwakwule wa idanu biyu baki daya.
Kakakin rundunar ‘yan sandan jihar, SP Ahmed Wakil, ya bayyana haka a ranar Juma’a cewa za a yi duk mai yiwuwa wajen ganin an gurfanar da wadanda aka samu da hannu a aikata laifin.
- 2023: Kwankwaso Ya Bukaci ‘Yan Nijeriya Su Yi Watsi Da APC Da PDP
- Hajjin Bana: Sawun Farko Na Maniyata Aikin Hajji 430 Sun Ta Shi Daga Kebbi
“’Yan sandan sun samu kiran hakimin Birshi, Mohammed Lawal cewa an gano wani yaro dan kimanin shekara 16 a cikin wani tafki kwance cikin jini da aka kwakwulewa idanu guda biyu.
“An gano yaron a yankin Dutsen Jira da ke unguwar Yelwa a cikin babban birnin Bauchi.
“Tawagar ‘yan sanda ta koma wurin da aka aikata laifin, inda suka dauki wanda abun ya shafa zuwa asibitin koyarwa na Abubakar Tafawa Balewa da ke Bauchi domin yi masa magani,” inji shi.
Wakil ya kara da cewa yaron ya shaida wa ’yan sanda cewa wani Ibrahim da ya sani sosai ne ya yaudare zuwa daji don yi masa wani aiki a gonarsa.
Ya ce suna cikin gona ne Ibrahim ya yi amfani da waya ya shake shi kafin daga bisani ya cire masa idanu baki daya.
