An Yi Musayar Wuta Tsakanin Jami’in NDLEA Da Masu Safarar Miyagun Kwayoyi A Legas

Hukumar yaki da sha da safarar miyagun kwayoyi ta kasa, NDLEA ta bayyana cewa, jami’anta sun kwace kilo 8,852 na Tabar Wiwi (Cannabis)

Kakakin hukumar Femi Babafemi ne ya bayyana hakan a ranar Laahdi a cikin sanarwar da ya fitar, inda ya ce, jami’an sun samu wannan nasarar ce, biyo bayan samun bayanan sirri.

• NDLEA Ta Cafke Wani Dan Amurka Dauke Da Kullin Hodar Iblis 117

Ya ce, jami’n sun yiwa masu safarra miyagun kwayoyin ne kwanton Bauna a kan titin Eleko Beach da ke Lekki cikin jihar Legas da misalign karfe 4:51 na safiyar ranar Alhamis din da ta gabata.

A cewarsa, jami’an sun yi musayar wuta da ‘yan bindigan da suka rako masu safarar haramtaccen kayan cikin manyan motoci biyu na kusan tsawon mintuna 30.

Femi ya bayyana cewa, jami’an NDLEA sun samu babbar Nasara kan masu rakiyar haramtattun kayan inda suka arce zuwa cikin dazuka.