Atiku Ya Gana Da ‘Ƴan Takarar Gwamna Na Jam’iyyar PDP

Ɗan takarar Shugaban a Jam’iyyar PDP mai hamayya a Nijeriya, Alh. Atiku Abubakar ya gana da ‘ƴan takarar gwamna a jam’iyyar PDP.

BBC ta rawaito cewa, tsohon mataimakin shugaban ƙasar tare da mai mara masa baya a takararsa, Gwamna Ifeanyi Okowa na jihar Delta sun gana da ƴan takarar a gidansa da ke Asokoro a Abuja.

• Yajin Aikin ASUU: Sakacin Ministan Ilimi Ne —Atiku

Waɗanda suka halarci ganawar akwai ‘ƴan takara daga Kaduna da Plateau da Katsina da Legas da Neja da Kano da Sokoto da Delta da Yobe da Jigawa da Nasarwa da Kwara da Benue da Borno da Ebonyi da Zamfara.

Ganawar wadda aka shafe sama da sa’a ɗaya ana yi, an yi ta ne a sirri.