Australiya Ta Soke Amincewa Da Birnin Kudus A Matsayin Babban Birnin Isra’ila

Gwamnatin Australiya ta soke matakin amincewa da birnin Kudus a matsayin babban birnin Israila.

A shekarar 2018 ne dai Firanministan lokacin Scott Morrison ya biye wa Amurka wurin daukar matakin.

• Har Kullum Kasar Sin Na Goyon Bayan Adalci Game Da Batun Falasdinawa

To amma yanzu ma’aikatar harkokin wajen Australiya ta goge duk wata alama da ke nuna alaka da matakin a shafinta na internet.

Mai magana da yawun ma’aikatar ta ce ba za su amince da birnin Kudus a matsayin babban birnin Israila ba har sai an cimma yarjejeniyar zaman lafiya tsakaninta da Falasdinu.

Daga: BBC Hausa