Ba Zamu Saki Jiki Ba Duk Da Cewar Muna Saman Teburi-Kocin Tottenham

Kocin Tottenham Hotspur, Ange Postecoglou ya ce ba za su saki jiki ba duk da cewar sun bayar da tazarar maki biyar a saman teburin gasar Premier ranar Juma’a.

Spurs ta ci gaba da jan zarenta a gasar Premier ba tare da an doke ta ba bayan da ta doke Crystal Palace da ci 2-1 a Selhurst Park, inda ta samu maki 26 a wasanni 10 na farko.

• An Kori Masu Koyarwa 12 Kawo Yanzu A Premier Ta Ingila
• Bayan Fasa Sayen Manchester United, Sheikh Jassim Na Neman Sayen Tottenham

Lokacin da aka tambaye shi ko yana tunanin hakarsu ta fara cimma ruwa a wannan kakar sai ya ce, baya tunanin hakan a yanzu.

Babu dalilin da zai sa mu ji haka domin idan muka ji haka a ranmu tun yanzu gwuiwoyinmu za su yi sanyi wanda kuma ba ma bukatar hakan.